سلامتك يا بلدي

لحظات قليلة كانت كافية لزرع الغصات بقلوب السوريين … لحظات كانت كافية لتهدم بيوت وأحلام وآمال …لحظات كانت كافية لتقتل ذكريات وضحكات وبيوت…
فاجعة هزت قلوب السوريين ..دمار هائل آلاف القصص الحزينة تولدت من رحم هذه المأساة الدامية
فعلا سوريا موجوعة …سوريا عم تنزف ….عم تبكي ألم وقهر … فعلا ماذا نكتب كل الحروف تتوقف عاجزة عن التعبير
لكن بالرغم من كل الآلام رح نقوي بعض ونرجع نوقف بقوة رح نساند بعض ونثبت للكل انو السوري للسوري مهما صار
رح نحكي عن لهفة السوريين على بعض رح نحكي أنو بالأزمات بجوهر المعدن السوري وببين أصالته
السوري للسوري هي الحقيقة لو شو ما صار خلو العالم تشوف وتعرف أنو نحنا شعب قلبه بينبض بالخير والحب لبعض ويتعلمو قصص النخوة السورية
سلامتك يابلد سلامة ولادك وحجارك وسلامتك من الآلام
والله يصبر قلوب الكل وقلوب الناس يلي فقدت قطع من روحها
سلامتك يا بلدي

رئيسة التحرير